في عز ماكنت أهوجس فيك وافتح لك??

في عز ماكنت أهوجس فيك وافتح لك + أبواب قلبي خذتني رجلي لبابك

جيتك وأنا مااذكر إني كنت رايح لك + بس اذكر اني كذا لاطول غيابك

ياما ترددت مدري كيف بشرح لك + أجيك وأرجع ..أبيك تقول: وش جابك ؟!

ياابن الأوادم ترى مليت ألمح لك + أنا أعزك..وأحبك ..واعشق ترابك

لاضقت اضيق ..ومتى ماتفرح أفرح لك + ولاغبت أمووت ..ومتى ماشفتك احيابك

ان كان ودك ترسيني على كحلك + لميت عمري وخاويتك على أهدابك

لكن قبل تنجرف حبيت أوضح لك + مستقبلي في يدينك .. واعمل حسابك

لو ضاع مستقبلي مانيب سامح لك + يكفيني الماضي اللي ضاع بأسبابك